Beıbit Juqaev alǵash ret Ýımbldon týrnırine joldama aldy

ASTANA. KAZINFORM – Qazaqstandyq tennısshi, álemniń 251-raketkasy Beıbit Juqaev Ýımbldon týrnıriniń irikteý saıysyn sátti aıaqtady. 

Aqtaý tennıs mektebiniń túlegi irikteý saıysynyń fınalynda álemniń 239-raketkasy, frantsııalyq Lýka Pavlovıchtiń meselin qaıyrdy.

Birinshi partııada frantsııalyq tennısshi 6:3 esebimen basym tústi. Budan keıin Beıbit kambek jasaı bildi – 6:3, 6:2, 7:6 (7:5). 

Eki saǵat jarymǵa jýyq ýaqytqa sozylǵan tartysty matchta Juqaev 15 eıspen birge 7 breık-poınttyń úsheýin múlt jibergen joq. Pavlovıch 9 eıs, 1 breıkpen (5 breık-poınt) shekteldi. 

Osylaısha, 24 jastaǵy Beıbit Juqaev negizgi jarysqa alǵash ret joldama alyp, ózi úshin tarıhı nátıjege qol jetkizdi. 

Mıhaıl Kýkýshkın, Tımofeı Skatov jáne Dmıtrıı Popko irikteý synynan óte almady. 

Beıbit ótken jyly irikteý saıystarynyń fınalynda frantsııalyq Alıs Kantenge 3:6, 4:6, 4:6 esebimen jol berip, negizgi dodadan shet qalǵan edi. 
Ýımbldon dodasy 30 maýsymda bastalady. 

Sóıtip «Úlken dýlyǵa» týrnırinde Qazaqstannan jekeleı synda Aleksandr Býblık, Aleksandr Shevchenko, Beıbit Juqaev, Elena Rybakına jáne ıÝlııa Pýtıntseva óner kórsetedi. 

Eske sala keteıik, budan buryn Zarına Dııastyń Ispanııadaǵy taǵy bir týrnırdi jeńispen bastaǵanyn jazǵan edik.