Beıbit Juqaev álemdik reıtıngide rekordtyq kórsetkishke qol jetkizdi

ASTANA. KAZINFORM — Kásibı tennısshiler qaýymdastyǵy (ATP) jekeleı jáne juptyq synda jańartylǵan reıtıngini jarııa etti.

Qazaqstannyń kóshbasshy tennısshisi Aleksandr Býblık 18-ornyn saqtap qalsa, Aleksandr Shevchenko 63-ten 59-ǵa, Mıhaıl Kýkýshkın 132-den 129-ǵa kóterildi.

Beıbit Juqaev 189-dan birden 182-ge joǵarylady. Osylaısha, Beıbit óziniń burynǵy úzdik kórsetkishin (186) jańartty. 

Denıs Evseev 185-ten 184-ke shyqsa, Dmıtrıı Popko 233-ten 234-ke, Tımofeı Skatov 267-den 271-ge tómendedi. 

Reıtıngte alǵashqy úshtikte serbııalyq Novak Djokovıch, ıtalııalyq ıAnnık Sınner, ıspanııalyq Karlos Alkaras tur.

Juptyq synda aýstralııalyq Mettıý Ebden kósh bastasa, sodan keıin ony úndistandyq Rohan Bopanna, ıspanııalyq Marsel Granolers ókshelep keledi.

Qazaqstandyqtardan Aleksandr Nedovesov 40-tan 42-ge, Andreı Golýbev 78-den 88-ge syrǵydy.
Qazaqstandyq tennısshiler Madrıd masters týrnırinde óner kórsetedi. Sonyń ishinde búgin irikteý saıystarynda 16 jasar Ámir Omarhanov álemniń 84-raketkasy, 36 jastaǵy ıspanııalyq Roberto Baýtısta-Agýtpen kortqa shyǵady. Taǵy bir qazaqstandyq Mıhaıl Kýkýshkın álemniń 83-raketkasy, argentınalyq Federıko Korıadan ótýge tyrysyp kóredi.

Eske sala keteıik, budan buryn Elena Rybakınanyń alǵash ret Shtýtgart týrnıriniń chempıony atanǵanyn jazǵan bolatynbyz.

Madrıd masters týrnırinde Elena Rybakına men ıÝlııa Pýtıntseva baq synaıdy.