Beıbit Juqaev AQSh-taǵy jarysty jeńispen bastady

Qazaqstannyń ekinshi, álemniń 195-raketkasy Beıbit Juqaev Shampeın (AQSh) chellendjer týrnırin jeńispen bastady, dep habarlaıdy Kazinform. 

Jarystyń 6-raketkasy bolyp tirkelgen qazaqstandyq tennısshi bastapqy matchyn dúnıejúzilik reıtıngte 303-orynda turǵan ıtalııalyq Enrıko Dalla Vallemen ótkizdi.

B.Juqaev ıtalııalyq sportshyny 6:1, 6:1 esebimen oısyrata utty. Bir saǵattan sál astam ýaqytqa sozylǵan báseke barysynda Beıbit 5 eıs jasap, 8 breık-poınttyń beseýin paıdalandy.

Beıbit Juqaev shırek fınalǵa shyǵý úshin reıtıngte 298-satydaǵy horvatııalyq Nıno Serdarýshıchpen talasady. Qazaqstandyq tennısshi budan buryn ózi chempıon atanǵan Sharlotsvıll (AQSh) dodasynda osy tennısshini utqan bolatyn.

Eske sala keteıik, budan buryn qazaqstandyq tóreshiniń HTF arnaıy syılyǵyna ıe bolǵanyn jazǵan edik.