Beıbit Juqaev AQSh-taǵy jarystar serııasyn sátti bastady

ASTANA. KAZINFORM — Qazaqstandyq tennısshi, álemniń 220-raketkasy Beıbit Juqaev Lınkoln (AQSh) chellendjer týrnıriniń 1/8 fınalyna shyqty.

B.Juqaev bastapqy kezdesýinde dúnıejúzilik reıtıngide 1472-orynda turǵan jańazelandııalyq Anton Sheptiń mysyn basty.

Beıbit 1 saǵat 38 mınýtqa sozylǵan matchta 6:4, 6:2 esebimen jeńiske jetti. Ol 7 eıs jasap, 9 breık-poınttyń beseýin paıdalandy. Shepp 1 eıs, 2 breıkpen (5 breık-poınt) shekteldi.

Beıbit Juqaev shırek fınalǵa shyǵý úshin álemniń 134-raketkasy, qytaılyq Bý ıÝnchaokete nemese reıtıngide 229-satydaǵy ulybrıtanııalyq Lıam Brodıdiń bireýimen talasady.

B.Juqaev Ýımbldon irikteý saıysynan beri kortqa shyqqan joq edi.

Taǵy bir qazaqstandyq, álemniń 181-raketkasy Denıs Evseev kútpegen jerden reıtıngide 1017-oryndaǵy amerıkalyq Kýper Ýılıamstan jeńilip qaldy – 6:7 (3:7), 5:7.

Lınkoln dodasy 11 tamyzda máresine jetedi.

Eske sala keteıik, budan buryn Mıhaıl Kýkýshkınniń álemdik reıtıngide TOP-100-ge jaqyndap qalǵanyn jazǵan bolatynbyz.