Beıbit Juqaev 18 eıs jasap, AQSh-taǵy jarystyń fınalyna shyqty

Qazaqstandyq, álemniń 247-raketkasy, 23 jastaǵy Beıbit Juqaev Sharlotsvıll (AQSh) chellendjer týrnıriniń fınalyna shyqty, dep habarlaıdy Kazinform.

Aqtaý tennıs mektebiniń túlegi jartylaı fınalda dúnıejúzilik reıtıngte 254-orynda turǵan, ózinen bir jas úlken amerıkalyq Patrık Kıpsonmen sheberlik talastyrdy.

B.Juqaev match bastalysymen-aq birden breık jasap, 2:0 esebimen alǵa ketti. Sol basymdyqty ýysynan shyǵarǵan joq – 6:4.

Ekinshi sette Beıbit taı-breıkte jeńisti julyp aldy – 7:6 (7:4).

Saǵat jarymnan astam ýaqytqa sozylǵan oıyn barysynda qazaqstandyq sportshy 18 eıs jasap, 4 breık-poınttyń bireýin óz esebine jazdy.

Qarsylasy 10 eıspen shekteldi.

Beıbit Juqaev sońǵy básekede qos amerıkalyq, álemniń 376-raketkasy Aıdan Mayo nemese reıtıngte 458-satydaǵy Itan Kýınniń bireýimen bas júldeni sarapqa salady.

Eske sala keteıik, budan buryn WTA qorytyndy týrnırinde Elena Rybakınanyń jartylaı fınalǵa shyǵa almaǵanyn jazǵan bolatynbyz.

Jibek Qulambaeva Týnıstegi jarystyń jeńimpazy atandy.