Beıbit Shúmenovke qatysty qylmystyq is jabyldy — ІІM

ASTANA. KAZINFORM — Qazaqstandyq boksshy Beıbit Shúmenovke jarııalanǵan memleketaralyq izdeý kúshin joıdy. Kazinform agenttigi istiń mán-jaıyn Іshki ister mınıstrliginen suraǵan edi.

Beıbit Shúmenovke qatysty Astana qalasy Esil aýdanynyń Polıtsııa basqarmasy Qylmystyq kodekstiń 293-baby 2-bóligi 2-tarmaǵyna sáıkes sotqa deıingi tergep-tekserý júrgizdi. 

«Qazirgi ýaqytta tergeý nátıjesi boıynsha jáne jábirlenýshilerden kelip túsken keshirim berý aryzy negizinde Beıbit Shúmenovke qatysty qylmystyq is jáne qylmystyq qýdalaý taraptardyń tatýlasýyna baılanysty qysqartyldy. QR Qylmystyq kodeksiniń 68-baby 1-bóligine sáıkes, qazaǵa ushyratýmen baılanysty emes jáne onsha aýyr emes nemese aýyrlyǵy ortasha qylmys jasaǵan adam jábirlenýshimen, aryz berýshimen tatýlassa, onyń ishinde medıatsııa tártibimen tatýlassa, sondaı-aq kelgen zalaldy ótese, qylmystyq jaýapkershilikten bosatylady», — delingen agenttik joldaǵan saýaldyń jaýabynda. 

Sondaı-aq, Іshki ister mınıstrligi ózge aqparattyń jarııa etýge jatpaıtynyn jáne tergeý nátıjesimen qylmystyq protseske qatysýshylar ǵana tanysýǵa quqyly ekenin habarlady. 

Eske salsaq, 2023 jyly shildede qazaqstandyq boksshy Beıbit Shúmenov kópshilik orynda balasy bar er adamǵa judyryq ala júgirgen edi. 

Keıin Beıbit Shúmenov dámhanadaǵy oqıǵanyń qalaı bolǵanyn aıtyp berdi. 

Oǵan memleketaralyq izdeý jarııalandy.  

Byltyr qarashada ІІM halyqaralyq izdeý jarııalanǵan Beıbit Shúmenovke qatysty tergeýdiń toqtap turǵanyn habarlaǵan edi.