Beıbitshilikti saqtaýda qazaq ultyna zor mindet júkteledi - Gúlbaqsha Musabaeva

PETROPAVL. QazAqparat - Eldegi beıbitshilikti saqtap, nyǵaıtýda aldymen qazaq ulty ózine zor mindet artylatynyn túsinýi qajet. Bul týraly SQO-daǵy «Urpaq» qazaq mádenı-aǵartý ortalyǵynyń tóraǵasy Gúlbaqsha Musabaeva aıtty, dep habarlaıdy QazAqparat.

Gúlbaqsha Nurmuqanqyzy SQO delegatsııa quramynda QHA-nyń XHVII sessııasyna barady.

«Urpaq» qazaq mádenı-aǵartý ortalyǵy Petropavlda 2004 jyly ashylǵan bolatyn. Maqsaty - qazaqtyń mádenıeti, salt-dástúri, tarıhymen baılanysty rýhanı qundylyqtardy saqtap, damytý. Eldegi jalpyulttyq birlik pen kelisimdi nyǵaıtýǵa úles qosý.

Gúlbaqsha Musabaevanyń aıtýynsha, «Urpaq» qazaq mádenı-aǵartý ortalyǵynyń basty ıdeıalarynyń biri -mádenı-týrıstik jáne ımıdjdik «Etnoaýyl» jobasyn júzege asyrý. Bul joba respýblıkalyq deńgeıde qoldaý taýyp, keıin sonyń negizinde EHRO - 2017 qalashyǵynda «Etnoaýyl» qurylǵan bolatyn.

Qazaqstan halqynyń birligi kúni qarsańynda ótkeli otyrǵan QHA-nyń XHVII sessııasyna Gúlbaqsha Musabaeva da barady. Onyń aıtýynsha, jıyn bıyl da mazmundy bolmaq. Ereksheligi - sessııada alǵash ret jastar máseleleri kóterilmek. Sondaı-aq Ózbekstanda Qazaqstan mádenıetiniń jyly bolǵandyqtan kórshi memleketten qonaqtar qatysady.

«Qazaqstan halqy Assambleıasynda eńbek ete júrip túsingenim, Qazaqstanda ómir súrip jatqan barlyq etnostardyń birliginiń túp tamyry eń aldymen qazaqtardyń yntymaqqa negizdelgen isi men sózine baılanysty. Sondyqtan bizge artylǵan jaýapkershilik zor. Biz eldegi beıbitshilikti jáne memlekettiń ishki qaýipsizdigin saqtap, nyǵaıtýda basqalarǵa úlgi bolýymyz qajet», - deıdi Gúlbaqsha Nurmaqanqyzy.

Ortalyq dırektory óz kezeginde Qazaqstannyń bedelin arttyryp, halyqtar dostyǵyn nyǵaıtýǵa ózindik úles qosqan Assambleıa ardagerlerine alǵysyn jetkizdi.