Beıbitshilik jáne Kelisim saraıynyń mańyna jas kóshetter otyrǵyzyldy
ASTANA. 5 maýsym. QazAqparat - 1972 jyly Shvetsııanyń Stokgolm qalasynda ótken Birikken Ulttar Uıymynyń Qorshaǵan ortany qorǵaý konferentsııasynda qabyldanǵan sheshimmen 5 maýsym Dúnıejúzilik qorshaǵan ortany qorǵaý kúni bolyp qabyldandy. Jyl saıyn osy kúni álemniń túkpir-túkpirinde «Jerdegi ómir úshin» degen uranmen túrli is-sharalar ótedi.
Atalǵan aktsııa aıasynda búgin Astanadaǵy Beıbitshilik jáne Kelisim saraıy alańyna 20 jas tal otyrǵyzyldy. Álemdik qorshaǵan ortany qorǵaý kúnine oraı osy syndy bastama Astanada 24 mamyrda ótkizilgen bolatyn. Sol kezde Qazaq-túrik lıtseıi aýdanyndaǵy Seıfýllın kóshesi boıyna 20 jas tal otyrǵyzylǵan edi.
Aıta ketý kerek, jastar eńbek otrıadynyń uıymdastyrýymen 5 mamyrdan bastap semınarlar, dóńgelek ústelder, forýmdar ótkizilip keledi. «Tabıǵat sulýlyǵy álemdi qutqarady» degen uranmen 1-4 synyp oqýshylary arasynda sýret baıqaýy jáne «Elimizdiń ekologııalyq bolashaǵy» degen atpen jastar arasynda referat baıqaýy ótýde. Sonymen qatar, elordada «Úzdik mektep gúlzary» atty bilim oshaqtary arasyndaǵy baıqaý 2013 jyldyń 5 qazanyna deıin jalǵaspaq.
