Beıbitshilik salasyndaǵy Nobel syılyǵyn BUU-nyń Dúnıejúzilik azyq-túlik baǵdarlamasy aldy
NUR-SULTAN. QazAqparat - BUU-nyń Dúnıejúzilik azyq-túlik baǵdarlamasy 2020 jylǵy beıbitshilik salasyndaǵy Nobel syılyǵynyń laýreaty atandy, dep jazady QazAqparat BBC-ge silteme jasap.
Osy syılyqqa Shvetsııanyń ekologııa belsendisi Greta Týnberg te osy úmitker retinde usynylǵan, onyń jasy 17-de. Onyń kandıdatýrasyn Norvegııa Parlamentiniń úsh múshesi jáne Shvetsııadan kelgen eki depýtat usynǵan.
Syılyqqa ıe bolýy múmkin yqtımal úmitkerlerdiń qatarynda Dúnıejúzilik densaýlyq saqtaý uıymy, Jańa Zelandııanyń premer-mınıstri Djakında Ardern jáne «Shekarasyz reporterlar» dep atalatyn jýrnalıster quqyǵyn qorǵaý uıymy boldy.
Syılyqqa eki júzden astam uıymdar men álem qaıratkerleri, sonyń ishinde eldegi áıelder quqyǵy úshin kúresetin Aýǵan belsendisi Faýzııa Kýfı, BUU Bas hatshysy Antonıý Gýtterısh, Germanııa kantsleri Angela Merkel, sondaı-aq Sýdannyń stýdenti Alaa Salah usynyldy, ol eldegi revolıýtsııanyń basty tulǵalarynyń biri.
Esterińizge sala keteıik,2014 jyly Nobel syılyǵynyń eń jas ıegeri pákistandyq mektep oqýshysy Malala ıÝsýfzaı bolǵan edi. Ol marapat alǵan sátte ol 17 jasta bolatyn.
Ótken jyly Efıopııanyń Premer-Mınıstri Ábı Ahmed Álı kórshi Erıtreıamen qaqtyǵysty rettegeni úshin Nobel syılyǵyn aldy.
1901 jyldan bastap Nobel syılyǵy 100 ret berildi. On toǵyz ret Komıtet Nobel ósıetinde aıtylǵandaı, «halyqtar arasyndaǵy baýyrlastyq úshin, áskerlerdi joıý nemese qysqartý jáne beıbit forýmdardy qoldaý úshin basqalardy kóbirek jasaıtyn» laıyqty qaıratkerlerdi tappady.
