Beıbitshilik pen kelisim – bizdiń negizgi baılyǵymyz - Nyǵmatýlın
NUR-SULTAN. QazAqparat - Májilis tóraǵasy Nurlan Nyǵmatýlın qazaqstandyqtardy Qazaqstan halqy birligi kúnimen quttyqtady, dep habarlaıdy QazAqparat.
«Qazaqstan halqy birligi kúnimen quttyqtaımyn! Beıbitshilik pen kelisim – bizdiń negizgi baılyǵymyz. Kúsh birlikte. Bizdiń halqymyz berekesi men yntymaǵynyń arqasynda barlyq qıyndyqty jeńetini sózsiz. Barshańyzǵa densaýlyq, baqyt, yrys-qut tileımin!» dep jazdy Nurlan Nyǵmatýlın Twitter-degi paraqshasynda
Sonymen qatar, Májilis tóraǵasy bul merekeniń elimizdiń mádenıetinen erekshe oryn alatyndyǵyn, óıtkeni ol úlken jasampaz qundylyqqa ıe ekendigin atap ótti.
Nurlan Nyǵmatýlınniń pikirinshe, Qazaqstan halqyna tán qoǵamdyq kelisim men patrıotızm turǵylyqty eldiń danalyǵy men naǵyz qundylyqtardy saqtaýǵa jáne nyǵaıtýǵa baǵyttalǵan memlekettiń erekshe yqylasyn bildiredi.
«Bizdiń elimizde turatyn barlyq etnostardyń dástúrlerine qurmet, túrli senimdegi adamdardyń ózara túsinistigi – barsha qazaqstandyq halyqtyń rýhanı qundylyqtaryn arttyrý, árbir otbasyndaǵy tynyshtyqtyń jáne Qazaqstannyń tabysty damýynyń kepili», - dedi Nurlan Nyǵmatýlın.
