Beıbitshilik ıdeıalaryn ilgeriletýde jańa tehnologııalardy paıdalaný qajet - Elbasy

ASTANA. QazAqparat - Din kóshbasshylary beıbitshilik ıdeıalaryn ilgeriletý úshin jańa tehnologııalar múmkinshiligin paıdalanýy qajet. Bul týraly búgin elordada ótip jatqan Álemdik jáne dástúrli dinder kóshbasshylarynyń  VI sezinde QR Prezıdenti Nursultan Nazarbaev aıtty, dep habarlaıdy QazAqparat tilshisi.

«Biz jahandyq deńgeıde beıbitshilik pen kelisim ıdeıalaryn birge ilgeriletý úshin jańa tehnologııalardyń barlyq basymdyqtaryn paıdalanýǵa tıispiz. Bul úshin bizdiń sezd bazasynda aqparattyq portal qurý boljanyp otyr. Portaldyń mindeti dinı radıkalızmniń kez  kelgen kórinisterine jáne tolyqtaı alǵanda zorlyq-zombylyqqa ornyqtylyqty nyǵaıtý ádisterin zerdeleýge jáne qoldanýǵa kómektesý bolýy qajet», -  dedi Elbasy.

QR Prezıdenti atalǵan portal jahandyq formatta dindar adamdar aýdıtorııasymen jumys úshin alań bola alatyndyǵyn basa aıtty.

«Ol Jahandyq  formatta dindar adamdar aýdıtorııasymen jumys isteý úshin alań bola alady. Árdir dindar adam dinı uıymdardyń, konfessııalyq aǵymdardyń kóshbasshylaryna suraq qoıyp nemese usynyspen júginip, keri baılanys ala alady», - dedi Qazaqstan Prezıdenti.