Beıbit Juqaev Pýerto-Rıkodaǵy týrnırdiń shırek fınalyna shyqty

ASTANA. QazAqparat – Qazaqstandyq, álemniń 256-raketkasy Beıbit Juqaev Palmes del Mar (Pýerto-Rıko) chellendjer týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 340-raketkasy, amerıkalyq Evan Chjýmen oınady.

Birinshi partııada breık jasaǵan amerıkalyq sportshy basymdylyq tanytty - 6:4.

Esesine sodan keıin Beıbit jeńistik bermedi - 7:5, 6:2.

Úsh saǵatqa jýyq ýaqytqa sozylǵan tartysty matchta Juqaev 7 eıs jasap, 10 breık-poınttyń tórteýin paıdalana bildi. Qarsylasy 6 eıs, 2 breıkpen (6 breık-poınt) shekteldi.

Beıbit Juqaev jartylaı fınalǵa shyǵý úshin dúnıejúzilik reıtıngte 617-satydaǵy kanadalyq Lıam Drakslmen talasady.

Qazaqstandyq tennısshi qazirgi kezde ATP Live reıtıngisinde 242-orynǵa kóterildi.

Eske sala keteıik, budan buryn tennısten Ýımbldon týrnıriniń júlde qory rekordtyq kólemge jetkenin jazǵan bolatynbyz.

Sondaı-aq Aleksandr Nedovesov Nıderlandtaǵy jarysta «Úlken dýlyǵa» chempıondaryn utty.

Anna Danılına Nottıngem týrnıriniń shırek fınalyna shyqty.