Beıbit Juqaev Pýerto-Rıkodaǵy týrnırdiń fınalyna shyǵa almady

ASTANA. QazAqparat – Álemniń 256-raketkasy, qazaqstandyq Beıbit Juqaev Palmas del Mar (Pýerto-Rıko) chellendjer týrnıriniń fınalyna shyǵa almady, dep habarlaıdy QazAqparat tilshisi.

Qazaqstandyq tennısshi jartylaı fınalda dúnıejúzilik reıtıngide 1118-orynda turǵan amerıkalyq Maıkl Chjenmen kezdesti.

M.Chjen reıtıngte tómen turǵanyna qaramastan, shırek fınalda álemniń 224-raketkasy, kanadalyq Aleksıs Galarnony 6:3, 0:6, 6:3 esebimen jeńip ketken edi.

Bul joly da match tartysty órbidi. Birinshi partııada Beıbit 6:3 esebimen basymdylyq tanytqanymen, sodan keıin tarazy basy amerıkalyq tennısshiniń jaǵyna aýyp ketti – 3:6, 6:7 (4:7).

Eki saǵat 40 mınýtqa sozylǵan báseke barysynda B.Juqaev 10 eıspen birge 8 breık-poınttyń ekeýin paıdalandy. Qarsylasy 9 eıs, 2 breıkpen (7 breık-poınt) kózge tústi.

Eske sala keteıik, budan buryn búgin Qazaqstannyń 1-raketkalary Rybakına men Býblıktiń týǵan kúnderin atap ótip jatqanyn jazǵan bolatynbyz.

Sondaı-aq Aleksandr Nedovesov Nıderlandtaǵy týrnırdiń fınalynda jeńilip qaldy.

Anna Danılına Nottıngemde fınalǵa bir qadam jetpeı toqtady.

Qazaqstandyq tennısshi Irandaǵy jarystyń jeńimpazy atandy.