Beıbit Juqaev Meksıkadaǵy týrnırde tartysty matchta utylyp qaldy

ASTANA. QazAqparat - Qazaqstandyq, álemniń 258-raketkasy Beıbit Juqaev Los-Kabos (Meksıka) ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Іrikteý saıystarynan sátti ótken Aqtaý tennıs mektebiniń túlegi alǵashqy aınalymda álemniń 113-raketkasy, belorýssııalyq Ilıa Ivashkamen sheberlik baıqasty.

Birinshi partııada qazaqstandyq tennısshi 6:3 esebimen basym tússe, ekinshisinde Ivashka ese qaıyrdy - 6:3.

Match taǵdyry taı-breıkte sheshilip, jeńis I.Ivashkanyń ýysynda ketti - 7:6 (7:5).

Eki saǵat jarymnan astam ýaqytqa sozylǵan báseke barysynda Beıbit 7 eıs jasap, 10 breık-poınttyń tek ekeýin paıdalandy. Qarsylasy 8 eıspen birge 2 breık-poıntty múlt jibergen joq.

I.Ivashka kelesi aınalymda álemniń 101-raketkasy, chılılik Krıstıan Garın nemese reıtıngte 115-satydaǵy horvatııalyq Borna Goıonyń bireýimen kezdesedi.

Eske sala keteıik, budan buryn Tımofeı Skatovtyń Germanııadaǵy jarysty jeńispen bastaǵanyn jazǵan bolatynbyz.