Beıbit Juqaev Qazaqstannyń úshinshi raketkasy atandy
ASTANA. QazAqparat – Aqtaý tennıs mektebiniń túlegi, 22 jastaǵy Beıbit Juqaev Qazaqstannyń úshinshi rakketkasy atandy, dep habarlaıdy QazAqparat tilshisi.
Kásibı tennısshiler qaýymdastyǵy (ATP) jarııa etken jańartylǵan álemdik reıtıngide B.Juqaev 256-dan birden 236-orynǵa kóterildi.
Budan eki apta buryn 325-satyda turǵan Beıbit Lıttl-Rok (AQSh) chellendjer týrnırinde fınalǵa, sondaı-aq Pýerto-Rıkoda Palmas del Marda jartylaı fınalǵa jetýi nátıjesinde osylaısha joǵarylap otyr.
Qazaqstannyń birinshi raketkasy Aleksandr Býblık 47-den 48-ge, Tımofeı Skatov 135-ten 137-ge, al osynyń aldynda B.Juqaevtyń aldynda turǵan Mıhaıl Kýkýshkın 252-den 258-ge syrǵydy. Denıs Evseev 309-ynshy, Dmıtrıı Popko 344-orynda tur.
Juptyq synda Aleksandr Nedovesov kórsetkishin jaqsartyp (+6), álemniń 53-raketkasy atansa, Andreı Golýbev – 86, Grıgorıı Lomakın 246-satyda tur.
Eske sala keteıik, budan buryn álemdik reıtıngte Rybakınanyń úshtikte, Pýtıntsevanyń TOP-50-de ekendigin jazǵan bolatynbyz.
