Beıbit Juqaev Istbýrn týrnıriniń irikteý satysyn sátti bastady
ASTANA. QazAqparat – Qazaqstandyq, álemniń 236-raketkasy Beıbit Juqaev Istbýrn (Ulybrıtanııa) ATP 250 týrnıriniń irikteý satysyn sátti bastady, dep habarlaıdy QazAqparat tilshisi.
Qazaqstandyq tennısshi bastapqy kezdesýin dúnıejúzilik reıtıngte 565-orynda turǵan ulybrıtanııalyq Danıel Lıttlmen ótkizdi.
Beıbit Juqaev jergilikti tennısshini 6:4, 6:4 esebimen qapy qaldyrdy.
Bir saǵattan astam ýaqytqa sozylǵan matchta qazaqstandyq sportshy 8 eıspen birge 4 breık-poınttyń úsheýin múlt jibergen joq. Qarsylasy 7 eıs, 1 breıkpen kózge tústi.
B.Juqaev irikteý saıystarynyń fınalynda álemniń 80-raketkasy, shveıtsarııalyq Mark-Andrea Hýslermen kezdesedi. Ony jeńse, óz sporttyq jolynda alǵash ret ATP 250 dodasyna joldama alady.
Atalmysh jarys 26 maýsym – 1 shilde aralyǵynda ótedi.
Ótken jyly munda amerıkalyq Teılor Frıtts chempıon atanǵan edi.
Eske sala keteıik, budan buryn Aleksandr Nedovesovtiń Ulybrıtanııadaǵy jarystyń jeńimpazy atanǵanyn jazǵan bolatynbyz.
Sondaı-aq Aleksandr Býblık Germanııadaǵy jarystyń fınalyna shyqty.
Aleksandr Býblık Germanııadaǵy týrnırdiń fınalyna shyqqannan keıin óte baqytty ekendigin jetkizdi.
