Beıbit Juqaev AQSh-taǵy jarystyń fınalynda jeńilip qaldy

ASTANA. QazAqparat – Qazaqstandyq, álemniń 325-raketkasy, 22 jastaǵy Beıbit Juqaev AQSh-tyń Lıttl-Rok qalasynda ótken chellendjer fınalynda jeńilip qaldy, dep habarlaıdy QazAqparat tilshisi.

Qazaqstandyq tennısshi fınalda álemniń 311-raketkasy, estonııalyq Mark Laıalmen bas júldeni sarapqa saldy.

Birinshi partııa sońynda breık jasaǵan estonııalyq sportshy basymdylyq tanytty – 6:4.

Ekinshisinde esesine esep 4:4 bolǵan mezette Beıbit breık jasaǵanymen, izinshe setke dop bergende, óz múmkindigin paıdalana almady. Estonııalyq tennısshi matchty taǵy bir breıkpen támamdady – 7:5.

Bir saǵat 43 mınýtqa sozylǵan báseke barysynda B.Juqaev 5 eıs jasap, 1 breık-poıntty múlt jibermedi. Qarsylasy 7 eıs, 3 breıkpen (8 breık-poınt) kózge tústi.

Osylaısha, Beıbit Juqaev sporttyq jolynda alǵash ret chellendjer týrnıriniń fınalyna deıin jetti.

Eske sala keteıik, budan buryn Beıbit Juqaevtyń AQSh-taǵy chellendjer týrnıriniń fınalyna shyqqanyn jazǵan edik.

Sondaı-aq qazaqstandyq tennısshi Bosnııadaǵy týrnırdiń fınalyna shyǵa almady.

Elena Rybakına Rolan Garroste kıgen kıimimen erekshelendi.

Foto - Qazaqstan tennıs federatsııasy