Beıbit Juqaev AQSh-taǵy chellendjer týrnıriniń fınalyna shyqty

ASTANA. QazAqparat – Qazaqstandyq, álemniń 325-raketkasy Beıbit Juqaev AQSh-tyń Lıttl-Rok qalasynda ótip jatqan chellendjer týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi jartylaı fınalda álemniń 288-raketkasy, aýstralııalyq Adam Ýoltonmen sheberlik baıqasty.

Birinshi partııada taı-breık qazaqstandyq sportshynyń da múmkindigi bolǵanymen, aýstralııalyq tennısshi sáttirek oınady – 7:6 (8:6).

Esesine ekinshi jáne úshinshe sette Beıbit óz múmkindigin jibergen joq – 6:4, 7:6 (7:4).

Úsh saǵatqa jýyq ýaqytqa sozylǵan tartysty báseke barysynda Beıbit Juqaev 18 eıs jasap, 4 breık-poınttyń bireýin paıdalandy. Qarsylasy da qarap qalǵan joq, onyń enshisinde 14 eıs bar.

Osylaısha, 22 jastaǵy B.Juqaev óz sport jolynda alǵash ret ATR Challenger jarysynyń fınalyna shyqty. Ol sońǵy básekede dúnıejúzilik reıtıngte 311-orynda turǵan estonııalyq Mark Laıalmen bas júldeni sarapqa salady.

Eske sala keteıik, budan buryn Elena Rybakınanyń Rolan Garros matchyna nege shyqpaǵanyn túsindirgenin jazǵan edik.

Rolan Garros týrnırinde qazaqstandyqtar jarys jolynan shyǵyp qaldy.