Beıbit jınalystarǵa qatysty ótinishterdi 6 maýsymnan bastap joldaýǵa bolady – mınıstrlik

NUR-SULTAN. QazAqparat –6 maýsymnan bastap beıbit jınalystar týraly habarlamalar men kelisýdi alý týraly ótinishterdi joldaýǵa bolady. Bul týraly QazAqparat Aqparat jáne qoǵamdyq damý mınıstrligigiń telegram kanalyna silteme jasap habarlaıdy.

2020 jylǵy 25 mamyrda Memleket basshysynyń «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańǵa qol qoıdy.

Zań alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi.
Zań 2020 jylǵy 26 mamyrda jarııalandy, sáıkesinshe 2020 jylǵy 6 maýsymda kúshine enedi.
2020 jylǵy 6 maýsymǵa deıin «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» 1995 jylǵy 17 naýryzdaǵy Qazaqstan Respýblıkasynyń Zańy óz kúshinde qalady.
Osyǵan baılanysty beıbit jınalystar týraly habarlamalar men kelisýdi alý týraly ótinishterdi joldaý «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańy kúshine engennen keıin múmkin bolady.