Beıbit jınalystar týraly jańa zań jobasyna qandaı usynystar jasaldy
QARAǴANDY. QazAqparat – Qaraǵandy qalasyndaǵy «Dostyq úıinde» Aqparat jáne qoǵamdyq damý mınıstri Dáýren Abaevtyń qatysýymen dóńgelek ústel otyrysy ótti. Onda «Qazaqstanda beıbit jınalystar uıymdastyrý jáne ótkizý tártibi týraly» QR Zańynyń jobasy talqylandy, dep habarlaıdy QazAqparat tilshisi.
Kezdesýge qoǵam qaıratkerleri, saıası partııanyń, qoǵamdyq birlestikterdiń, kásipodaq uıymdarynyń ókilderi, sondaı-aq Qaraǵandy oblysynyń zańgerleri, jýrnalısteri, memlekettik organdar ókilderi qatysty. Zań jobasyn talqylaýǵa Qaraǵandy oblysyna arnaıy kelgen Aqparat jáne qoǵamdyq damý mınıstri Dáýren Abaevqa olar óz usynystaryn bildirdi.
«Mundaı qoǵamdyq tyńdaýlar tek Nur-Sultan men Almatyda ǵana emes, Pavlodar, Petropavl, Kókshetaý, Oral, Óskemen jáne Shymkent qalalarynda ótkizildi. Jobanyń tolyq mátini egov.kz saıtyna ornalastyryldy, barlyq tilek bildirýshiler onymen tanysty. Qazir biz qazaqstandyqtar da, Memleket basshysy da kelispeıtin keıbir normalardy bastapqy nusqadan alyp tastadyq. Mysaly, onyń tapsyrmasy boıynsha zańnan 250-den astam adam qatysqan beıbit jınalystar ruqsat berý sıpatynda bolýy tıis degen norma alyp tastaldy. Endi jobada barlyq jınalystardyń qatysýshylar sanyna qaramastan habarlama sıpatynda bolýy týraly sóz bolyp otyr. ıAǵnı, mıtıng ótkizý úshin ruqsat alýdyń qajeti joq, tek jergilikti atqarýshy organdarǵa habarlama jiberý kerek», - dedi Dáýren Abaev.
Sondaı-aq, mınıstr jınalysty ótkizýge ruqsat berilgen oryndar shetki jerlerde emes, ınfraqurylymy damyǵan oryndarynda ornalasatynyn atap ótti.
Taǵy bir jańalyq, zań jobasynda beıbit jınalystarǵa 18 jasqa tolmaǵan tulǵalar qatysa alatyny týraly jazylǵan.
«Buryn 18 jastan joǵary bolýy tıis degen shekteý bolǵan. Shynymdy aıtsam, biz bul shekteýdi alyp tastaǵymyz kelgen joq. Biraq alyp tastaýǵa májbúr boldyq, sebebi bul Qazaqstan bekitken Bala quqyqtary týraly Konventsııanyń talaby, onda balanyń beıbit jınalystar bostandyǵyna quqyǵy tanylady. Osylaısha, 18 jasqa deıingi azamattarǵa beıbit jınalystarǵa qatysýǵa ruqsat berildi», - dedi mınıstr.
Qoǵamdyq tyńdaý kezinde qaraǵandylyqtar beıbit jınalystar kezinde polıtseılerdiń quqyqtary men mindetterin egjeı-tegjeıli túsindirýdi surady.
«Meniń oıymsha, polıtseılerdiń qyzmetin reglamentteý qajet. Eger olar mıtıng ótkizý ornynda qyzmet atqarsa, qandaı jaǵdaılarda olar kúsh qoldana alady, al qandaı jaǵdaılarda qoldanbaýlary tıis ekenin túsindirgen jón. Іs-qımyl standarttary bolýy tıis», - deıdi QR ІІM Qaraǵandy akademııasynyń aǵa oqytýshysy Oksana Ladygına.
Halyq qalaýlylary bul zań jobasy «halyq únine qulaq asatyn memleketti» qurýǵa septigin tıgizetin bolady dep esepteıdi.
«Men aıtqym keletini, Qasym Jomart Kemeluly óziniń sońǵy joldaýynda «halyq únine qulaq asatyn memleketti» qalyptastyrý kerektigin aıtty. Osy joldaý negizinde elimizdegi mıtıngiler jónindegi zańdardy qaıta qarap, ony zańdastrý máselesin tapsyrǵan bolatyn. Búgin, mine, osyǵan baılanysty mınıstrdiń qatysýymen úlken keleli kezdesýde osy máseleler jalpy Qaraǵandy oblysynyń qoǵam belsendilerimen, qoǵam qaıratkerleriniń qatysýymen erekshe talqylandy. Bul zań 1995 jyly qabyldanǵan bolatyn. Osy 25 jyl ishinde bul zań moraldyq jaǵynan da, basqa turǵydan da eskirgen. Ony jańadan qaıta qabyldaýdy ýaqyttyń ózi talap etip otyr. Jalpy mıtıngi degenimizdiń ózi halyqtyń eń sońǵy, esh nársege múmkindigi bolmaǵan ýaqytta narazylyǵyn alyp baratyn eń sońǵy sharalardyń biri dep qabyldaý kerek. Al meniń oıymsha, halyq únine qulaq asatyn memleket bolǵan jaǵdaıda biz bul mıtıngilerge jetkizbeıtin deńgeıde jumys jasaýymyz kerek dep esepteımin», - dep atap ótti oblystyq máslıhattyń depýtaty Bekzat Altynbekov.
Aqparat mınıstriniń aıtýynsha, joba mátini elektrondyq úkimet portalynda ornalastyrylǵannan keıin oǵan pikir jazýshylar men ony qaraý sany rekordtyq deńgeıge jetken.
Aıta keteıik, buǵan deıin Qaraǵandyda beıbit jınalystar týraly jańa zań jobasy talqylanyp jatqanyn habarlaǵan bolatynbyz.
