Beıbit jınalystar týraly jańa zań azamattyq pozıtsııany kórsetýge keń múmkindik beredi - sarapshy
Onyń aıtýynsha, baıandama beıbit jınalystar týraly jańa zańnyń qalaı jumys isteıtinin kórý úshin daıyndalǵan.
«Bul analıtıka qujat. Munyń maqsaty - áleýmettik-saıası salalarǵa qatysty usynystardy júzege asyrý. Erekshe atap ótetin jáıt, Ulttyq qoǵamdyq senim keńesiniń aıasynda memleket basshysy óziniń saıası reformalar paketin jarııalaǵan bolatyn. Sol jerde beıbit jınalystardy uıymdastyrý boıynsha jańa zań ázirleý týraly tapsyrma berildi.Tapsyrma oryndaldy. Zań qabyldandy. Bul qujatta mıtıngiler týraly zańdardy jetildirýdiń qysqasha hronologııasy berilgen. Byltyr ótken beıbit jınalystarǵa qatysty qabyldanǵan normalardyń erejelerin júzege asyrý jaıyna taldaý jasaldy», - deıdi sarapshy.
Sonymen qatar, ol jańa zańnyń qoldanylýy azamattarǵa ózderiniń azamattyq pozıtsııasyn kórsetýge keń múmkindik beretinin atap ótti.
«Beıbit jınalystar týraly jańa zań qazaqstandyqtardyń azamattyq pozıtsııasyn kórsetýge keń múmkindik beredi. Máselen, buryn barlyq jınalystardy uıymdastyrý úshin memlekettik organdardan ruqsat alý kerek bolsa, endi jańa zańǵa sáıkes, memlekettik atqarýshy organdarǵa habarlama jiberý jetkilikti. Demek, beıbit jınalystardy ótkizýge arnalǵan normalar ózgerdi. Sonymen qatar, barlyq beıbit jınalystarǵa jeke-jeke anyqtama berildi (mıtıng, pıket, jınalys, sherý, demonstratsııa). Oǵan qatysýshy adamdardyń quqyqtary men quzyreti jańa zańda aıqyndaldy. Buryńǵy zańda bul qarastyrlmaǵan bolatyn»,- deıdi Naılıa Álmuhamedova.
