Beıbit Ystybaı qyzdy boldy
TALDYQORǴAN.QazAqparat - Qazaqstan barysynyń úsh dúrkin chempıony Beıbit Ystybaı qyzdy boldy dep, habarlaıdy QazAqparat tilshisi.
Balýan óziniń qýanyshymen Instagram jelisindegi paraqshasynda bólisken.
«Ardaqty aǵaıyn! Janashyr dostarym! Təýelsizdigimiz məńgilik bolǵaı! Súıinshi! Shańyraǵymda uly qýanysh, dúnıege səbı keldi! Nəresteli boldym, qyzdy boldym aǵaıyn! Órisimdi keńeıtken Allaǵa sansyz madaq!! Qýanyshtan júregim jarylardaı bolyp turmyn. Jeńistiń 40 jyldyǵynda dúnıege kelip atymdy Beıbit qoıyp edi, Uly mereke Təýelsizdiktiń 25 jyldyǵynda qyzym dúnıe esigin ashty. Jaqsy yrymǵa balap otyrmyn. Uly merekede dúnıege kelgen balapanymnyń baqytyn baıandy ete gór Alla», - dep jazdy balýan. Beıbittiń qýanyshyna ortaqtasyp, quttyqtap, izgi tilekterin bildirip jatqandar kóp.
Aıta keteıik, Beıbit Ystybaı 2012, 2015 jəne 2016 jyly «Qazaqstan Barysy» ataǵyn jeńip aldy.
Bıylǵy jarysqa elimizdiń 14 oblysy men Astana, Almaty qalalarynan iriktelgen 34 balýan qatysty. Balýannyń bul belbeýde baǵy men baby qatar janyp, jeńisti qoldan bermedi. Úshinshi ret qatarynan jeńimpaz bolǵan chempıonǵa bul joly 25 mıllıon teńge, altyn taıtuıaq jáne Astanadan bir bólmeli páter buıyrdy.
