Beıbit Ystybaev «Qazaqstan Barysy-2014» fınaldyq kezeńine qatysady
ASTANA. QazAqparat - Qazaq kúresinen «Qazaqstan Barysy-2012» jeńimpazy Beıbit Ystybaev Jambyl oblysynda jarystyń jańa kezeńine irikteý úshin bolǵan saıysta jeńimpaz atandy, dep habarlady týrnırdiń baspasóz qyzmeti.
Ystybaev irikteý fınalynda Dáýlethan Jaqypovty utty, eki palýan da «Qazaqstan Barysy-2014» tıtýly úshin baq synaıdy. Sonymen birge, Qaraǵandyda da jeńimpazdar anyqtaldy, onda fınalǵa Bekzat Ahmetbekov pen Asylhan Bármenov shyqty. Shymkentte de irikteý kezeńi ótti. Qala men oblys atynan Jumanazar Ersultanov pen Sabyrjan Ábildaýly baq synaıtyn boldy.
Eske sala keteıik, irikteý osyǵan deıin Pavlodar men Qyzylorda oblystarynda da ótken edi.
«Qazaqstan Barysy-2014» týrnıriniń aqtyq básekesi Astanada 29 maýsym kúni bolady. Bul dodanyń osy kúngi jeńimpazy Shyǵys Qazaqstan oblysynyń palýany Aıbek Nuǵymarov, dep habarlaıdy Vesti.kz.
