Beıbit Ystybaev Almatyda ótetin qazaq kúresinen Qazaqstan chempıonatyna qatysady
ALMATY. QazAqparat - 18-19 naýryz kúnderi Almatydaǵy «Halyq Arena» sport kesheninde qazaq kúresinen eresekter arasynda Qazaqstan chempıonaty ótedi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Jarysqa elimizdiń 14 oblysy jáne Almaty men Astana qalalarynan 200-den asa balýan qatysady.
«Qazaqstan chempıonaty QR Mádenıet jáne sport mınıstrligi, Qazaqstan qazaq kúresi federatsııasy jáne Almaty qalasy ákimdiginiń uıymdastyrýymen ótedi. Qatysýshylar sapynda belgili balýandar da az emes. Sonyń ishinde úsh dúrkin «Qazaqstan Barysy» Beıbit Ystybaev, álem chempıondary Muhıt Tursynov, Aıbek Nuǵymarov, Aıbol Aıtbek jáne Ǵanı Seıdildaev, tuńǵysh «Qazaqstan Barysy» Ulan Rysqul, sonymen qatar Rýslan Ábdirazaqov, Murat Kentonov jáne taǵy basqa bilekti balýandar bar», - delingen habarlamada.
