Beıbit Shúmenov WBA nusqasy boıynsha chempıondyq ataǵyn qorǵaıdy
ALMATY. Shildeniń 19-y. QazAqparat /Erlik Erjanuly/ - Shildeniń 23-i kúni AQSh-tyń Kalıfornııa shtatynyń Lemýr qalasynda Búkilálemdik boks qaýymdastyǵynyń (WBA) nusqasy boıynsha Álem chempıony ataǵyn qorǵaý úshin alǵash ret ýkraındyq Vıacheslav Ýzelkovpen jekpe-jek ótkiziledi,
dep habarlaıdy QazAqparat.
Beıbittiń bul jolǵy qarsylasy 22 kezdesý ótkizip, onyń 12-sin nokaýtpen aıaqtaǵan Búkilálemdik boks qaýymdastyǵynyń qurlyqaralyq chempıony. Ol jartylaı aýyr salmaqta WBA reıtınginde - 2 (sáýir), EBU reıtınginde - 3 (sáýir), WBO reıtınginde - 4 (mamyr), WBC reıtınginde - 9 (mamyr), IBF reıtınginde - 13 (2009 jyldyń qarashasy) satyda tur. 1978 jyly sáýirdiń 8-i kúni Vınnıtsada (Ýkraına) dúnıege kelgen Vıacheslav bokspen 1987 jyldan beri aınalysady. Áýesqoı boksta 1997 jyly jasóspirimder arasynda Eýropa chempıonatynda birinshi, 1998 jyly Álem kýbogynda ekinshi, 1999 jyly Áskerılerdiń búkilálemdik oıyndarynda úshinshi, 2001 jyly Álem chempıonatynda úshinshi, 2002 jyl Eýropa chempıonatynda ekinshi oryn aldy. Kásipqoı bokstaǵy alǵashqy jekpe-jegin 2004 jyly qazannyń 24-inde Chernıgovta Súleımen Jerılovpen, al eń sońǵy kezdesýin 2009 jyly qarashanyń 21-i kúni Kıevte Tomas Adamekpen ótkizdi. Ol Beıbit Shúmenov bıyl AQSh-ta chempıondyq ataqty tartyp alǵan Gabrıel Kampılomen 2007 jyly qyrkúıektiń 13-i kúni Kıevte kezdesip 6-shy raýndta nokaýtpen jeńgen bolatyn.
