Beıbit Shúmenov túrik boksshysymen chempıondyq ataq úshin saıysqa túsedi
ASTANA.QazAqparat - Kásipqoı boksqa qaıta oralǵan qazaqstandyq boksshy Beıbit Shúmenovtyń (17-2, 11 KO) qarsylasy belgili boldy, dep habarlaıdy QazAqparat.
BoxRec portalyndaǵy aqparattarǵa sáıkes, Shúmenov túrkııalyq boksshy Hıznı Altýnkaımen (30-1, 17 KO) qolǵap túıistiredi.
Shúmenov-Altýnkaı jekpe-jegi 7 shilde kúni elordada ótedi dep josparlanýda. Sondaı-aq, qos boksshy birinshi aýyr salmaqtaǵy WBA nusqasy boıynsha «ýaqytsha» chempıon tıtýlyn sarapqa salmaqshy.
Aıta keteıik, Beıbit Shúmenov 2017 jyly kýbalyq ıÝnıerý Dortıkospen (21-0, 20 KO) judyryqtasyp, WBA «turaqty» álem chempıony ataǵyn qorǵaý kerek bolǵan. Alaıda, qazaqstandyq boksshy jaraqat saldarynan sporttyq mansabyn aıaqtaǵan edi.
