Beıbit Shúmenov sporttyq mansabyn aıaqtaýǵa qatysty pikir bildirdi
ASTANA. QazAqparat - Qazaqstandyq boksshy Beıbit Shúmenov (17-2, 11 KO) kásibı sporttaǵy mansabynyń aıaqtalýyna qatysty pikir bildirdi, dep habarlaıdy Sports.kz.
«Men ókinishke oraı birinshi aýyr salmaqtaǵy WBA chempıondyq tıtýldan bas tarttym jáne kózimniń jaraqatyna baılanysty bokstan kettim. Árıne, meniń osylaı sporttan ketip qalǵandyǵym ókinishti. Biraq ne isteı alamyn, jaraqat ol boks synynyń bir bóligi. Meniń áli kúnge deıin kózim bulyńǵyrap kóredi. Kelesi aıda maǵan taǵy da operatsııa jasaıdy. Sondyqtan da men janymdy saýdaǵa salǵym kelgen joq»,- dedi Shúmenov.
Eske sala keteıik, buǵan deıin jartylaı aýyr salmaqtaǵy qazaq boksshysy Beıbit Shúmenov 19 maýsymda búkilálemdik boks qaýymdastyǵynyń (WBA) sheshimi boıynsha jartylaı aýyr salmaqtaǵy WBA álem chempıony tıtýlynan aıyryldy. Sol kúni Beıbit jattyǵýda alǵan jaraqatyna baılanysty bokstan ketetini belgili boldy.
