Beıbit Shúmenov resmı túrde chempıon ataǵynan aıyryldy

NUR-SULTAN. QazAqparat - Búkilálemdik boks qaýymdastyǵy (WBA) barlyq salmaq sanatyndaǵy reıtıng ókilderiniń jańartylǵan tizimin jarııalady, dep habarlaıdy QazAqparat Sports.kz silteme jasap.

Qazaqstandyq Beıbit Shúmenov jańa tizimde birinshi aýyr salmaqtaǵy WBA «turaqty» chempıony tıtýlynan resmı túrde aıyryldy. WBA jańa chempıony - frantsýzdyq boksshy Arsen Gýlamırıan. Shúmenov onymen 11 mamyrda jekpe-jekke shyǵýǵa tıis bolatyn.

Eske sala keteıik, Beıbit kezekti jaraqatyna baılanysty atalmysh aıqasqa daıyndala almaǵan edi.

Endi Shúmenov «demalystaǵy chempıon» dárejesine deıin tómendedi. Bul dáreje onyń kez kelgen ýaqytta óz qalaýynsha jekpe-jekke shyǵýyna múmkindik beredi.