Beıbit Shúmenov pen Kshıshtof Vlodarchık sáýirde WBA chempıondyǵyna talasady
ASTANA. QazAqparat - WBA nusqasy boıynsha aýyr salmaqtaǵy qazaqstandyq Beıbit Shúmenov osy jylǵy sáýir aıynda polıak Kshıshtof Vlodarchıkke qarsy óziniń chempıondyǵyn qorǵap qalý úshin saıysqa túsedi. Bul týraly polıak úmitkeriniń jattyqtyrýshysy Fedor Lapın habarlady, dep jazady R-Sport.
Shúmenov pen Vlodarchık 18 jeltoqsanda Las-Vegasta qolǵap túıistirýi tıis edi, alaıda Beıbit jattyǵý kezinde jaralanyp qalyp, saıys ótpeı qaldy. Endi saýyqtyrý úderisi aıaqtalyp keledi jáne Qazaqstan ókili tolyqqandy jattyǵýlarǵa kirisýge ázir.
Kshıshtofqa qatysty aıtar bolsaq, ol tabandy jattyǵýlardy jalǵaǵastyrýda jáne rıngke bir aı-aıjarymda shyǵady, dep habarlady Lapın.
«Áýelde jekpe-jek qańtardyń sońyna aýystyrylǵan bolatyn. Meniń aqparatym boıynsha Shúmenovpen saıys sáýirge ysyryldy. Biz aralyq urysty bir aı-aıjarymnyń ishinde ótkizemiz dep oılaımyn. Urysty ótkizý qajet, áıtpese Kshıshtof biraz ýaqyttan beri rıngke shyqqan joq», - dedi Lapın.
