Beıbit Shúmenov: Kimmen bolsa da jekpe-jekke shyǵýǵa daıynmyn
ASTANA. QazAqparat - Qazaqstandyq boksshy, WBA nusqasy boıynsha «turaqty» chempıon Beıbit Shúmenov (17-2, 11 KO) kez-kelgen boksshymen aıqasqa túsýge daıyn. Ol bul týraly óziniń Instagramdaǵy paraqshasynda málim etti, dep habarlaıdy QazAqparat tilshisi.
«Jattyǵý jumystarymnyń qorytyndy bóligi. Eki jigitpen oıdaǵydaı sparrıng ótkizdim. Deńgeıim kún sanap jaqsaryp keledi. Kez kelgen ýaqytta, kimmen bolsa da jekpe-jekke shyǵýǵa daıynmyn. Shekteý qoımaımyn», - dep jazdy Shúmenov.
Finishing part of the training after great sparring session at the boxing gym and one more workout to go. NO LIMITS!
Shúmenovtiń kezekti jekpe-jegi Maıamıde 2017 jyldyń 11 aqpanyna belgilenip otyr. Onyń qarsylasy - WBA nusqasynyń «ýaqytsha» chempıony, kýbalyq boksshy ıÝnıer Dortıkos (21-0, 20 KO).
Eske sala keteıik, bunyń aldynda Shúmenov reseılik boksshy, WBA (Super) chempıony Denıs Lebedevti (29-2, 22 KO) jekpe-jekke shaqyrǵan. Alaıda reseılik boksshy buǵan qulaq aspaǵandyqtan, qazaqstandyq boksshy Dortıkospen kezdesý uıymdastyrýǵa qulyqty ekenin jetkizgen.
Óz kezeginde, Lebedev 3 jeltoqsan kúni, reseılik Murat Gassıevpen ótkizgen judyryqtasýda jeńilis taýyp, IBF tıtýlynan aıyryldy.
