Beıbit Shúmenov kelesi jekpe-jegin kýbalyq boksshymen ótkizbek
ASTANA. QazAqparat - Qazaqstandyq boksshy, WBA nusqasy boıynsha «turaqty» chempıony Beıbit Shúmenov (17-2, 11 KO) kelesi jekpe-jegi qashan bolatynyn jarııa etti, dep habarlaıdy QazAqparat.
Shúmenovtiń kezekti jekpe-jegi Maıamıde 2017 jyldyń 11 aqpanyna belgilenip otyr. Onyń qarsylasy - WBA nusqasynyń «ýaqytsha» chempıony, kýbalyq boksshy ıÝnıer Dortıkos (21-0, 20 KO).
Eske sala keteıik, osy kezdesýge qatysty saýda Búkilálemdik boks qaýymdastyǵynyń (WBA) shtab-páterinde qarasha aıynda ótken bolatyn. Bul saýdany Dortıkostyń atyn qorǵaǵan Caribbean Promotions kompanııasy jeńip aldy.
Bunyń aldynda Shúmenov reseılik boksshy, WBA (Super) chempıony Denıs Lebedevti (29-2, 22 KO) jekpe-jekke shaqyrǵan. Alaıda reseılik boksshy buǵan qulaq aspaǵandyqtan, qazaqstandyq boksshy Dortıkospen kezdesý uıymdastyrýǵa qulyqty ekenin jetkizgen.
Óz kezeginde, Lebedev 3 jeltoqsan kúni, reseılik Murat Gassıevpen ótkizgen judyryqtasýda jeńilis taýyp, IBF tıtýlynan aıyryldy.
