Beıbit Shúmenov kásipqoı bokstyń WBA nusqasy boıynsha Álem chempıony ataǵyn qorǵaıdy

Onyń qarsylasy amerıkandyq Dennı Santıago. Qazaqstandyq kásipqoı boks sheberi úshin bul chempıondyq belbeýin qorǵaýdaǵy úshinshi jekpe-jegi bolmaq. Buǵan deıin 1 qańtarda amerıkandyq Shymkentte Ýılıam Djoppıden, al byltyr 23 shildedede Lemorede ýkraındyq Vıacheslava Ýzelkovtan mereıin asyrǵan bolatyn. Beıbit osy ýaqytqa deıin 11 kezdesýdiń bireýinde ǵana jeńilis tapsa, Deenı 31 kezdesýdiń tórteýinde jeńilip, bireýinde teń túsken edi. 19 jekpe-jekti nokaýtpen aıaqtaǵan bul boksshy 1973 jyly 21-aqpanda Nıý-Iorkta dúnıege kelgen. Kásipqoı bokstaǵy alǵashqy kezdesýin 1997 jyly 6 qyrkúıekte Florıda shtatyndaǵy Orlanda qalasynda Mıhaıl Ýatkınspen ótkizip, jeńispen aıaqtaǵan ol 21 mamyrda Tampa qalasynda bolǵan sońǵy kezdesýinde Bıllı Baıleıden (10-6-0) basym túsken edi. Al 1983 jyly 19 tamyzda Shymkentte ómirge kelgen Beıbit Shúmenov kásipqoı boks sharshy alańyndaǵy alǵashqy kezdesýin 2007 jyly 17 qarashada AQSh-tyń Soltústik Karolına shtatyndaǵy Ýılson qalasynda Ýalter Edýardspen ótkizdi. 2009 jyly 15 tamyzda Astanada Álem chempıony ataǵy bolǵan tuńǵysh jekpe-jekte Gabrıel Kampılloǵa ǵana utylǵan edi. 2010 jyly 29-qańtarda Las Vegasta ótken qarymta kezdesýde altyn belbeýdi odan tartyp ala aldy. Onyń esebindegi 11 kezdesýdiń jeteýi nokaýtpen aıaqtalǵan.