Beıbit Shúmenov Qanat Islamnyń promoýteri ekenin joqqa shyǵardy
ASTANA. QazAqparat - Ótken túnde BoxRec saıtynda kásibı boksshy, jartylaı aýyr (WBA super) jáne birinshi aýyr (WBA) salmaq dárejesindegi álem chempıony Beıbit Shýmenov qazaqstandyq boksshy Qanat Islamnnyń promoýteri boldy degen aqparat paıda boldy. Barlyq BAQ-na bul aqparattyń jalǵan ekendigin jetkizemiz, dep habarlady Beıbit Shúmenovtyń baspasóz qyzmeti.
«Meniń Qanat Islammen promoýter retinde jumys isteıtindigim týraly BAQ betinde paıda bolǵan aqparat shyndyqqa saı kelmeıdi. Iıa, meniń Las-Vegas qalasynda tirkelgen KZ Event Productions, Inc. dep atalatyn jeke proýmoýterlik kompanııam bar. Árıne, bolashaqta bizdiń jigitterge álemdik arenada jetistikterge qol jetkizip, elimizdiń ataǵyn shyǵarýlaryna kómektesýdi josparlap otyrmyn, - dedi Beıbit Shúmenov.
Esterińizge salsaq, qazaqstandyq kásibı boksshy 29 qańtarda densaýlyǵyna baılanysty birneshe jylǵa úzilip qalǵan sporttyq mansabyn qaıta jalǵastyratynyn habarlaǵan bolatyn.
Beıbittiń aıtýynsha, qazir onyń densaýlyǵy jaqsy jáne sharshy alańǵa jańa qarqynmen shyǵýǵa daıyn.
