Beıbit Shúmenov bapkerin aýystyrdy
ASTANA. QazAqparat - Qazaqstandyq kásipqoı boksshy Beıbit Shúmenov (17-2, 11 KO) burynǵy bapkerimen qaıta jattyǵýdy bastady, dep habarlaıdy QazAqparat tilshisi.
Ol bul týraly óziniń Instagram paraqshasynda habarlady.
«Kevın Barrımen qaıta birge jumys isteıtinime qýanyshtymyn. Bul bapker maǵan 2010 jyly kásipqoı bokstaǵy birinshi álem chempıony ataǵyn jeńýge kómektesken maman. Sonymen qatar aýyr salmaqta WBO tujyrymy boıynsha álem chempıony Djozef Parker, jartylaı aýyr salmaqtaǵy IBO tujyrymy boıynsha álem chempıony Ýmar Salamov sekildi jańa komandalastarymmen tanysqanyma qýanyshtymyn», - dep jazdy Shúmenov.
Kevın Maıkl Djozef Barrı - jańazelandııalyq bapker, menedjer jáne burynǵy boksshy. Qazaqstandyq boksshy bul mamanmen 2010 jyly birge jumys istep, aýyr salmaqtaǵy WBA tujyrymynyń álem chempıony ataǵyn jeńip aldy.
Qazirgi ýaqytta Shúmenov WBA tujyrymy boıynsha ýaqytsha álem chempıony úshin kýbalyq ıÝnıer Dortıkospen ótetin kezdesýge daıyndalyp jatyr.
