Beıbit Shúmenov álem chempıony ataǵy úshin jekpe-jekke qatyspaıtyn boldy

NUR-SULTAN. QazAqparat – Qazaqstannyń birinshi aýyr salmaqtaǵy WBA Regular chempıony Beıbit Shúmenov (18-2, 12 KO) 29 qańtarda Gollıvýdtaǵy (Florıda shtaty, AQSh) Seminole Hard Rock Hotel &Casino arenasynda amerıkalyq Rafael Merfıge (14-1, 11 KO) qarsy jekpe-jekte rıngke oralýdy josparlaǵan bolatyn, dep habarlaıdy QazAqparat Sports.kz-ke silteme jasap.

Alaıda Merfı The Ring basylymyna bergen suhbatynda B.Shúmenovtiń aldaǵy keshte ótetin jekpe-jekke qatyspaıtynyn aıtqan. Mundaı sheshimge ne sebep bolǵany aıtylmady. Rafael qazir Florıdadaǵy qonaqúıde jáne 29 qańtarda rıngke shyǵýy tıis. Alaıda onyń endigi qarsylasy kim bolary belgisiz.

Bir kezderi bedeldi promoýter bolǵan Don Kıng uıymdastyratyn shoýdyń ózi de bolmaýy múmkin. Óıtkeni qonaqúı ákimshiligi áli kúnge deıin aldaǵy oqıǵa týraly habardar bolmaǵan.

Esterińizge sala keteıik, Beıbit Shúmenov rıngke 2018 jyldyń shilde aıynan bastap shyqpaǵan. Sol jyly Astanada túrkııalyq Hıznı Altýnkaıýdy (32-3, 19 KO) nokaýtqa jibergen bolatyn.