Beıbit Nazarov MMA boıynsha Álem chempıony ataǵyn qorǵap qaldy
ASTANA. QazAqparat - Astana qalasyndaǵy «Saryarqa» velotreginde ótken aralas jekpe-jekten MMA «KUNLUNFIGHT 4 CAGE SERIES» Álem birinshiliginde Beıbit Nazarov osy týrnırde óziniń «Altyn belbeýin» ekinshi ret qorǵady, dep jazady baistars.kz.
Týrnırge 15 elden eń myqty degen 22 sportshy qatysty. Ol qarsylasy Massimo Capusello-ny 20 sekýnd ishinde jeńip, altyn belbeýin qorǵap shyqty.
Beıbit osyǵan deıin sáýir aıynda Almatyda ótken osyndaı Álem birinshiliginde «KUNLUNFIGHT» tujyrymy boıynsha Álem chempıony ataǵyn jeńip alǵan bolatyn. Keıin, kóp uzamaı maýsym aıynda Beıjiń qalasynda ótken kezekti álemdik dodada ol jergilikti saıypqyran Býhao Tıandy jeńip, óz belbeýin birinshi ret qorǵaǵan bolatyn.
