«Beıbit mıssııa - 2014» aıasynda kelissózder bastaldy
ASTANA. QazAqparat - Beıjińde «Beıbit mıssııa-2014» terrorǵa qarsy birlesken áskerı oqý-jattyǵýlarynyń alǵashqy shtabtyq kelissózderi ótkizilýde. QR Qorǵanys mınıstrliginiń málimetine qaraǵanda, kelissózderde QR Qarýly Kúshteri Bas shtaby bastyǵynyń orynbasary general-maıor Muqan Dúısekeev bastaǵan qazaqstandyq áskerı delegatsııa oqý-jattyǵýdyń josparyn, maqsaty men tapsyrmalaryn, sondaı-aq uıymdastyrý máselelerin talqylaýda.
«Shanhaı yntymaqtastyq uıymy sheńberindegi yntymaqtastyq Qazaqstannyń kóp vektorly saıasatynyń mańyzdy elementi bolyp tabylady. Ári ulttyq jáne óńirlik qaýipsizdikti qamtamasyz etý isine úlken úles qosady. Qazaqstan ShYU-nyń ózara senimdi nyǵaıtý, dostyq pen tatý kórshilik, kóp salaly yntymaqtastyqty damytý, sondaı-aq boı kórsetken lańkestik, separatıstik jáne ekstremıstik áreketterge birlesip qarsy tura bilý maqsattaryna jaqyn», - dep atap ótti general-maıor Muqan Dúısekeev.
ShYU formatyndaǵy komandalyq-shtabtyq oqý-jattyǵýlary dástúrli túrde uıymǵa múshe memleketter aýmaǵynda eki jylda bir ret ótkizilip turady. Atalǵan is-sharaǵa Qazaqstan, Qytaı, Reseı, Tájikstan jáne Qyrǵyz Respýblıkasynyń áskerı kontıngentteri qatysady.
Bıyl «Beıbit mıssııa - 2014» oqý-jattyǵýlary QHR aýmaǵynda ótedi. 2010 jyly «Beıbit mıssııa» oqý-jattyǵýlary Qazaqstannyń Mátibulaq polıgonynda ótken bolatyn.
