«Beıbit mıssııa-2010»: jattyǵýdyń bastalýyna eki apta ýaqyt qaldy
ASTANA. Tamyzdyń 27-si. QazAqparat - Ústimizdegi jylǵy qyrkúıektiń 9-25-i aralyǵynda Jambyl oblysynyń «Mátibulaq» jalpyáskerı polıgonynda lańkestikke qarsy «Beıbit mıssııa-2010» birlesken áskerı jattyǵýlary ótkiziledi. Oǵan Shanhaı yntymaqtastyq uıymyna múshe memleketter tartylatyn bolady, dep habarlaıdy QR Qorǵanys mınıstrliginiń baspasóz qyzmeti.
Gvardeıskıı garnızonyndaǵy Mátibulaq polıgonynda ótetin eń iri lańkestikke qarsy «Beıbit mıssııa - 2010» áskerı jattyǵýyna qatysýshylarǵa arnalǵan dalalyq lagerdi jaılastyrý jumystary bir aıdan beri tynymsyz júrgizilýde.
Búginge deıin dalalyq lagerge «Ońtústik», «Shyǵys» óńirlik qolbasshylyqtarynan eki myńnan asa áskerı qyzmetshiler men jeti júz jaýyngerlik tehnıka ornalastyryldy. Bul tek bastamasy ǵana.
Apta saıyn Otar stantsııasyna jattyǵýǵa qatysatyn bólimsheler men áskerı bólimderdiń tehnıkasy men múlkin temir jol kóligi arqyly jetkizý jalǵasýda.
Áskerlerdi dalalyq jaǵdaıǵa saı ornalastyrý josparly túrde júzege asyrylýda. Bul rette Qazaqstan armııasynyń áskerı qyzmetshileri jattyǵýǵa daıyndyq jumystaryna kúsh salýda uıymshyldyq tanytýda. Olar áskerı nysandardy josparlaýǵa jáne qarý-jaraq saqtaıtyn bólmeler men sport qalashyqtaryn jabdyqtaýǵa, sondaı-aq baılanysty qamtamasyz etýge óz úlesterin qosýda. Reseı Federatsııasy, Qytaı, Tájikstan, Qyrǵyzstan sııaqty shetelderden keletin joǵary qyzmettegi meımandardy qabyldaý máseleleri de nazardan tys qalǵan joq.
Taǵy bir aıta ketetin nárse, «Ońtústik» óńirlik qolbasshylyǵy basqarmasynyń ofıtserleri qaýyrt jumystarǵa qaramastan 2010 jyly oqý bitirgen kadetter men jas leıtenanttardyń jıynyn ótkizýdi de qolǵa alǵan. Olar úshin jattyǵý barysynda qoldanylatyn qarý-jaraq pen áskerı tehnıka kórmesi uıymdastyryldy. «Ońtústik» óńirlik qolbasshylyǵy qolbasshysynyń orynbasarlary polkovnıkter Vıktor Kashoıd pen Sergeı Zaharovtardyń jetekshiligimen oqý oryndarynda basqarma ofıtserleri jıynǵa kelgenderdi T-72 tankisiniń, BMP-2, BM-21, tehnıkalarynyń taktıkalyq-tehnıkalyq sıpattamasymen tanystyrdy.
Jattyǵýǵa qatysýshylardyń qoly bosaǵan sátterde olarǵa ár apta saıyn «Ońtústik» óńirlik qolbasshylyǵy men Gvardeıskıı garnızonynyń kórkemónerpazdary óz ónerlerin kórsetip júr.
