Beıbit kúnniń batyry: Almatylyq órtten 6 adamdy qutqardy
NUR-SULTAN. QazAqparat - Almatylyq Dáýren Rymqulov kópqabatty úıden shyqqan órt kezinde 6 adamdy qutóaryp qaldy. Bul jaıynda qoǵam qaıratkeri Aleksandr Tsoı Facebook-tegi paraqshasynda jazdy, dep habarlaıdy QazAqparat tilshisi.
«Dostar, myna jigitke qarańyzdarshy. Onyń aty-jóni - Dáýren Rymqulov. Jasy - 33-te Ol aýyr atletıkadan sport sheberi, Qazaqstanyń birneshe dúrkin chempıony. Shyn máninde keshe ol erlik jasady. Ol Almatydaǵy órt kezinde 6 adamnyń ómirin qutqardy. Úıinde otyrǵan Dáýren Aýladaǵy shýdy estip dalaǵa shyqqan kezde kórshi úıdiń kireberisindegi páterdiń biri órtenip jatqanyn baıqaǵan. Dál sol kireberiste jıen qaryndasy turady eken. Ol tómengi qabattan joǵary órshigen órt kezinde balkonda qalyp qoıypty. Dáýren, esh oılanbastan kireberiske oılanbastan kirgenimen, aşy tútin ıisinen esten tanyp qala jazdady. Qaıta shyqqan oǵan aýlaǵa jınalyp qalǵan turǵyndardyń biri fýtbolka men bótelkedegi sýdy bergen. Ol matany sýlap alyp, betin tumshalap kómekke umtylǵan», - dep jazdy ol.
Onyń atap ótýinshe, Dáýren jıen qaryndasyn din aman dalaǵa alyp shyqqan. Alaıda osy kezde bireýler tórtinshi qabattaǵy páterde 5 balanyń qalyp qoıǵanyn aıtqan. Dáýren esh oılanbastan qaıtadan órtenip jatqan kireberiske kirip, 5 dalany da aman-esen dalaǵa shyǵarǵan. Osy kezde órt sóndirýshiler men jedel járdem kómegi de jetken.
«Bir saǵattan keıin órt sóndirildi. Eshkim zardap shekken joq, medıtsınalyq kómek te eshkimge qajet bolmady. Biz mundaı batyl ári jaqsy adamdardyń kóptigine ár ýaqytta da tań qalamyn. Olar kez kelgen sátte kómek berýge daıyn turady. Mine osyndaı batyrlardy úlgi etip, maqtanýymyz qajet. Aıtpaqshy, Dáýrenniń ákesi Amangeldi Rymqulov aýyr atletıkandan KSRO sport sheberi atanǵan qazaqstandyq ekendigin atap ótken jón. Ol Qazaqstannyń eńbek sińirgen jattyqtyrýshysy. Amangeldi Qurmanuly, naǵyz batyr tárbıelegenińiz úshin rızashylyǵymdy bildiremiz», - dedi Aleksandr Tsoı.
