Beıbit Isabaev Senat depýtaty retinde ant berdi
«Ózderińizge belgili, Memleket basshysynyń jarlyǵymen qańtar aıynda Beıbit Isabaev Senat depýtaty bolyp taǵaıyndaldy.
Beıbit Óksikbaıulyn bilikti jáne tájirıbeli memleket qaıratkeri retinde jaqsy bilesizder. Konstıtýtsııalyq normalarǵa sáıkes, jańadan taǵaıyndalǵan depýtat palata otyrysynda ant berýi tıis», - dedi Senat tóraǵasy Máýlen Áshimbaev.
Senattyń búgingi jalpy otyrysynda B. Isabaev depýtat retinde ant berdi.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», - dedi ol.
Aıta keteıik, bıyl qańtar aıynda Beıbit Isabaev Qazaqstan Respýblıkasy Parlamenti Senatynyń depýtaty bolyp taǵaıyndaldy.
Ol Senattyń Áleýmettik-mádenı damý jáne ǵylym komıtetiniń tóraǵasy laýazymyna saılandy.
