Beıbit Isabaev Áleýmettik-mádenı damý jáne ǵylym komıtetiniń tóraǵasy laýazymyna saılandy

NUR-SULTAN. QazAqparat – Beıbit Isabaev QR Parlamenti Senaty Áleýmettik-mádenı damý jáne ǵylym komıtetiniń tóraǵasy laýazymyna saılandy, dep habarlaıdy QazAqparat tilshisi.

«Beıbit Isabaev Áleýmettik-mádenı damý jáne ǵylym komıtetiniń quramynda qyzmet etýge ótinish bildirdi», - dedi Senattyń jalpy otyrysynda palata tóraǵasy Máýlen Áshimbaev.

Osydan keıin Senat spıkeri Beıbit Isabaevty atalǵan komıtettiń quramyna saılaý máselesin daýysqa qoıyp, depýtattar biraýyzdan qoldaý bildirdi.

Kelesi kezekte sóz alǵan senator Narıman Tóreǵalıv Áleýmettik-mádenı damý jáne ǵylym komıtetiniń tóraǵasy qyzmetine Beıbit Isabaevty saılaýdy usyndy.

«Áleýmettik-mádenı damý jáne ǵylym komıtetiniń tóraǵasy qyzmetine Beıbit Isabaevtyń kandıdatýrasyn usynamyn. Beıbit Óksikbaıuly QR Prezıdentiniń QR Parlamentindegi ókildiginiń basshysy, birneshe elde Tótenshe jáne Ókiletti Elshi, QR Prezıdentiniń baspasóz hatshysy retinde jáne basqa da qyzmetterdi abyroımen atqarǵan azamat. Onyń bilimi men mol jumys tájirıbesin eskere otyryp, Áleýmettik-mádenı damý jáne ǵylym komıtetiniń tóraǵasy laýazymyna laıyqty tulǵa dep esepteımin», - dedi ol.

Senatorlar bul usynysty da biraýyzdan qoldap, daýys berdi.