Beıbit Atamqulov ShQO-da «Aýyl - el besigi» jobasynyń iske asyrylý barysymen tanysty
Mınıstr oblystyń Jarma aýdanynyń Áýezov kentindegi ulttyq joba aıasynda kúrdeli jóndeý jumystary júrgizilgen Baqyrshyq orta mektebine bardy. Oqý ornynda edender, esikter, káriz júıesi, sý qubyry, jylý jáne elektr jelileri aýystyryldy, sondaı - aq syrtqy jáne ishki árleý jumystary júrgizildi.
Osy kentte QR IIDM basshysy Mádenıet úıi qurylysy barysymen tanysty. Qazirgi ýaqytta nysanda qurylys-montaj jumystary júrgizilýde. Jumystar aıaqtalǵan soń turǵyndar ǵımarattaǵy 120 oryndyq kitaphanaǵa jáne 400 oryndyq kórermen zalyn paıdalana alady.
Sondaı-aq, Beıbit Atamqulov «Taldyqorǵan-Óskemen» jáne «Qalbataý-Maıqapshaǵaı» avtojoldarynyń qaıta jańartylǵan ýchaskelerin qarap, jol boıyndaǵy servıs jumysymen tanysty.
Mınıstr ótken jyly «Aýyl – el besigi» baǵdarlamasy aıasynda salynǵan Glýbokoe kentindegi Mádenıet úıine de bardy. 300 orynǵa arnalǵan kórermen zalyn kórdi. Sonymen qatar, mádenıet úıiniń qyzmetkerleri úıirme sabaqtaryna arnalǵan sheberhanalardyń jumysy týraly aıtyp berdi. Munda balalardyń horeografııamen, vokalmen, mýzykalyq aspaptarda oınaýmen, sándik-qoldanbaly ónermen, tennıspen aınalysady. Sondaı-aq, mádenıet úıinde ardagerler ujymdary, sonyń ishinde «Asyl mura» jáne «Ivýshka» ujymdary ornalasqan.
Mádenı nysannyń ereksheligi zamanaýı jabdyqtary men kınoteatry bar. Ǵımarat aldynda qazaqtyń uly aǵartýshysy Abaı Qunanbaevtyń músini qoıylyp, gúlzar abattandyrylǵan.
Kókpekti aýdany Samar aýylynyń kóshelerin de qarady. Onda ortasha jóndeý 95% - ǵa aıaqtalǵan. Aýylda barlyǵy 7 shaqyrymnan astam jol jóndeledi. Osy eldi mekende «Aýyl – el besigi» jobasy aıasynda basseın qurylysy júrgizilýde. Búgingi tańda jumystar 80% - ǵa oryndaldy. Joba aıaqtalǵannan keıin aýyl turǵyndary uzyndyǵy 25 metrlik tórt júzý jolynda sportpen shuǵyldana alady.
Sosyn mınıstr oblystyń Kúrshim aýdanyndaǵy Buqtyrma sý qoımasy arqyly ótetin kópir ótkeli qurylysynyń ornyn aralady. Qazir nysanda daıyndyq jumystary, elektr jelileriniń jáne ýchaske qyzmetkerlerine arnalǵan eki jataqhananyń qurylysy júrip jatyr. Óńir turǵyndary ony 2024 jyly paıdalana bastaıdy dep josparlanǵan.
«Aýyl – el besigi» jobasy aıasynda QR Indýstrııa jáne ınfraqurylymdyq damý mınıstrligi óńirdiń ınfraqurylymdyq damýy boıynsha jumys júrgizýde: aýyl turǵyndaryn turǵyn úımen, sapaly aýyz sýmen qamtamasyz etedi, aýdandyq jáne oblystyq ortalyqtarǵa deıin kirme avtomobıl joldaryn salý jáne jóndeýmen aınalysady.
2021 jyly Shyǵys Qazaqstan oblysynyń aýyldyq eldi mekenderinde turǵyn úı qurylysyna 372,5 mln teńge bólindi. Óńirdiń 683 aýylynyń 529-y sýmen qamtamasyz etilgen, «Aýyl - el besigi» aıasynda taǵy 125-si qamtylady. 2021 jyly ShQO-da 199 shaqyrym jol jóndeledi.
