Beıbit Atamqulov qurylys salasyn tsıfrlandyrý jaıynda aıtyp berdi
«Baspana halyqqa qoljetimdi bolýy tıis. Osyǵan oraı turǵyn úı jáne qurylys materıaldary qunynyń qymbattaýyna jol bermeý úshin mınıstrlik úsh baǵytta jumys istep jatyr: birinshisi - qurylys salasyn tsıfrlandyrý, ekinshisi - baǵa belgileý júıesin jetildirý jáne qurylystaǵy baqylaýdy kúsheıtý, úshinshisi - qurylys materıaldary óndirisin damytý», - dedi B. Atamqulov Úkimet otyrysynda.
Sonymen qatar ol qurylys salasyn tsıfrlandyrý taqyrybyna toqtaldy.
«Tsıfrlandyrý bıznes-protsesterdiń ashyqtyǵyn, aıqyndyǵyn bildiredi. Qurylys obektilerin onlaın formatta, onyń ishinde aqparattyq modeldeý tehnologııalaryn qoldana otyryp modeldeýge múmkindik beretin Aqparattyq modelderdiń memlekettik banki júıesi engizilýde. «E-Qurylys» júıesi onlaın rejımde shuńqyryn qazýdan bastap úıdi paıdalanýǵa bergenge deıingi qurylys protsesin baqylaýǵa múmkindik beredi. Úlestik qatysý sharttaryn esepke alý úshin «Qazreestr» engizildi. Ol josyqsyz qurylys salýshylardan úlestik qurylyspen baspana satyp alý táýekelin barynsha azaıtady. Marketpleıs onlaın-platformasynda kompanııalar qurylys materıaldaryn óndirýshilerden deldaldarsyz tikeleı satyp alady», - dedi mınıstr.
Onyń aıtýynsha, «E-Shańyraq» platformasy - turǵyndardyń jeke kómekshisi. Ol óz úıin basqarýda barlyq aqparatqa qol jetkizýge múmkindik beredi.
«Jalpy salany tsıfrlandyrý boıynsha qabyldanyp jatqan sharalar bıýrokratııany tómendetedi jáne qurylystaǵy rásimderdi ońaılatady», - dedi vedomstvo basshysy.
