Beıbit Atamqulov qurylys qarqyny joǵary óńirlerdi atady

NUR-SULTAN. QazAqparat – 2021 jyldyń 2 aıynda elimizde 15 807 páter paıdalanýǵa berildi. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Shekteý sharalary kólik salasyndaǵy naqty kólem ındeksine teris áser etýde. 2021 jyly qańtar-aqpan aılarynda bul kórsetkish 80,9 paıyzdy qurady. Tranzıttik konteınerlik tasymalda oń dınamıka saqtaldy. Kórsetkish 156,5 myń jıyrma fýnttyq balamany qurady. Ósim 79 paıyz boldy. Kóliktiń barlyq túrimen júk tasymaldaý kólemi 0,55 mlrd tonna nemese ótken jyldyń sáıkes kezeńimen salystyrǵanda 96,5 paıyz boldy», - dedi 2021 jyldyń qańtar-aqpanynda eldiń áleýmettik-ekonomıkalyq damýy jaıynda baıandaǵan mınıstr.

Sonymen qatar mınıstr qurylys salasynda naqty kólem ındeksi 2021 jyldyń qańtar-aqpan aılarynda 109,7 paıyz bolǵanyn aıtty.

Jambyl jáne Batys Qazaqstan oblystarynan basqa 15 óńirde oń kórsetkish tirkelgenin atap ótti.

«Turǵyn úı qurylysynda bıylǵy eki aıda 1 mln 893 myń sharshy metr baspana paıdalanýǵa berildi. ıAǵnı, ósim 2020 jyldyń sáıkes kezeńimen salystyrǵanda 112,8 paıyzdy qurady. Respýblıka boıynsha barlyǵy 15 807 baspana paıdalanýǵa berildi. Ótken jylmen salystyrǵanda bul kórsetkish barlyq óńirde artty. Jalpy bıyl elimizde 17 mln sharshy metr turǵyn úı salynady», - dedi Beıbit Atamqulov.