Beıbit Atamqulov: QR SІM ınvestıtsııalyq jáne eksporttyq qyzmetti úılestirýshi bolady
ASTANA. QazAqparat - QR jańa Syrtqy ister mınıstri Beıbit Atamqulov vedomstvonyń bolashaqta basymdyq beriletin baǵyttaryna túsinikteme berdi.
QR Syrtqy ister mınıstrligi taratqan aqparatqa qaraǵanda, Memleket basshysynyń tapsyrmasyna sáıkes syrtqy saıasatty ekonomızatsııalaý, sheteldik ınvestıtsııalardy tartý jáne qazaqstandyq kásiporyndardyń ónimderin syrtqy naryqtarǵa shyǵarý máseleleri árqashan Syrtqy saıası vedomstvosy qyzmetiniń basty basymdyqtarynyń biri bolǵan.
Endi, burynǵy QR Investıtsııalar jáne damý mınıstrliginiń Investıtsııalar komıteti men «Kazakh Invest» AQ Syrtqy ister mınıstrliginiń quzyryna aýysady. Osyǵan oraı, syrtqy saıası qyzmettiń negizgi baǵyttarynan bólek biz joǵaryda atalǵan qurylymdardyń mehanızmderin belsendi paıdalanamyz. Bul ınvestıtsııalardy tartý boıynsha jumysta sheteldik ınvestorlarǵa erekshe kóńil bólinedi degen sóz.
Qazaqstanda barlyq deńgeılerde ınvestorlarmen ózara árekettesýdiń tıimdi ınstıtýttary qurylǵan. Syrtqy ister mınıstrligi ınvestıtsııalyq jáne eksporttyq qyzmetiniń jalpy úılestirýshisi bolady.
«Barlyqtaryńyzǵa málim, barlyq salalyq mınıstrlikter eksport máselesimen aınalysýda. Óz kezeginde, Syrtqy ister mınıstrligine olardyń bul jumystaǵy kúsh-jigerin úılestirý, tıisti aqparatty taratý, ekijaqty kezdesýler men kelissózderdi uıymdastyrý, sondaı-aq qazaqstandyq taýarlardy eksporttaýshylarǵa tikeleı qoldaý kórsetý máseleleri júkteldi»,-delingen QR SІM taratqan aqparatta.
QR Aýyl sharýashylyǵy mınıstrligi, Qorǵanys jáne aeroǵarysh ónerkásibi mınıstrligi, «Kazakh Export» AQ ESQ, «Atameken» QR Ulttyq Kásipkerler palatasy jáne Memlekettik qyzmet isteri jáne sybaılas jemqorlyqqa qarsy is-qımyl agenttigi arasynda aldyn-ala qabyldanǵan Birlesken is-qımyl josparlaryna qosymsha retinde, jaqyn arada Syrtqy ister mınıstrliginiń jańa quzyretine qatysty Memleket basshysynyń Jarlyǵyn júzege asyrýdyń praktıkalyq mehanızmi pysyqtalady.
Eksporttyq baǵyttaǵy qyzmetti úılestirý fýnktsııasy qazaqstandyq taýarlardyń syrtqy naryqtarynyń qoljetimdiligin maqsatty túrde zertteýge múmkindik beredi, sondaı-aq mańyzdysy, bizdiń elden taýarlar men qyzmetterge kedergi keltiretin barerlerdi joıý boıynsha kelisilgen kelissózder júrgizý taktıkasyn qurýǵa jol ashady.
