Beıbit Atamqulov kıprlik kásipkerlerdi Qazaqstanǵa shaqyrdy
NUR-SULTAN. QazAqparat - QR Syrtqy ister mınıstri Beıbit Atamqulov Kıpr Respýblıkasynyń bıznesmenderin Qazaqstanda jumys isteýge shaqyrdy, dep habarlaıdy QazAqparat tilshisi.
«Kıprlik kompanııalardy qazaqstandyq áriptesterimen keńirek jumys júrgizýge shaqyramyz. Qazaqstanda jaıly ári ınvestıtsııalyq tartymdy klımat qalyptasqan. Eýrazııalyq ekonomıalyq odaqqa múshe elmiz. Qazaqstanda qazirgi tańda kıprlik kapıtaly bar 207 kompanııa tirkelgen», - deıdi Beıbit Atamqulov Kıprdiń Syrtqy ister mınıstri Nıkos Hrıstodýlıdıspen kezdesý barysynda.
SІM málimetine súıensek, kıprlik kásipkerler elimizde negizinen paıdaly qazbalardy óndirý, saýda, qurylys, kóliktik-ekspedıtorlyq jáne qarjylyq salada eńbek etýde.
«Saýda, ınvestıtsııa, energetıka, aýyl sharýashylyǵy salasynda yntymaqtastyqty nyǵaıtýdyń zor múmkindikteri bar. Kıpr bıznes-baza retinde Qazaqstannyń strategııalyq ornalasýyn eskere otyryp, eki elge de tıimdi jumys júrgize alady», - dedi óz kezeginde Nıkos Hrıstodýlıdıs.
Eske sala ketsek, elordada búgin QR Syrtqy ister mınıstri Beıbit Atamqulov Kıprdiń Syrtqy ister mınıstri Nıkos Hrıstodýlıdıspen kezdesip, eki eldiń yntymaqtastyǵynyń mańyzdy máseleleri talqylaǵan bolatyn.
