Beıbit Atamqulov Qazaqstan shahmat federatsııasynyń prezıdenti bolyp saılandy
NUR-SULTAN. QazAqparat - Qazaqstan shahmat federatsııasyna jańa prezıdent saılandy, dep habarlaıdy QazAqparat federatsııanyń baspasóz qyzmetine silteme jasap.
Qazaqstan shahmat federatsııasynyń prezıdenti qyzmetin 2015 jyldyń shilde aıynan beri Shakhmardan Yessenov Foundation ǵylymı bilim berý qorynyń quryltaıshysy jáne Almaty marafonynyń negizin qalaýshy Ǵalymjan Esenov atqaryp kelgen bolatyn.
«Sońǵy ýaqytta meniń nazarymdy qajet etetin kóptegen áleýmettik jobalar paıda boldy. Sonyń ishinde 2 sport federatsııasy men assotsıatsııalar bar, sondyqtan men áriptesterime shahmat federatsııasynyń jańa prezıdentin saılaý týraly usynys jasadym. Biz sportshylardyń, jattyqtyrýshylardyń, uıymdastyrýshylardyń jáne de menedjerlerdiń úzdik komandasyn jınadyq. Qazirgi tańda Qazaqstan shahmat federatsııasynda barlyq bıznes-úrdister men standarttar jolǵa qoıylǵan. Jańa basshylyqpen federatsııa aldaǵy ýaqytta da tamasha nátıjeler kórsetip, jańa belesterdi baǵyndyratynyna senimdimin», - dep Ǵalymjan Esenov .
Sońǵy bes jylda áıelder quramasy komandalyq álem chempıonatynda besinshi jáne Dúnıejúzilik shahmat olımpıadasynda on birinshi orynǵa ıe boldy. Qazaqstanda álemniń eń úzdik shahmatshylaryn jınaǵan iri shahmat týrnırleri ótkizildi. Qazaqstandyq shahmatshylar Azııa chempıonaty, Azııa ulttary kýbogy, Azııa oıyndary syndy iri halyqaralyq týrnırlerinde jeńimpaz jáne júldeger atandy.
«Ǵalymjan Esenov basshylyǵymen osy ýaqyt ishinde shahmat federatsııasy orasan zor jumystar atqardy. Shahmatshylarymyzdyń qatary jańa álem chempıondarymen tolyqty. Qazaqstandyq sportshylar halyqaralyq týrnırlerden elimizge 202-ge jýyq medal alyp keldi», – dep QShF atqarýshy dırektory Irına Grışenko tolyqtyryp ótti.
31 qańtar kúni Qazaqstan shahmat federatsııasynyń kezekten tys quryltaıy ótti. Atalmysh quryltaıda Beıbit Atamqulov uıymnyń jańa prezıdenti bolyp saılandy.
