Beıbit Atamqulov Ǵarysh apparatyn qurastyrý-synaý kesheniniń jumysymen tanysty
ASTANA. QazAqparat - Qazaqstan Respýblıkasynyń Qorǵanys jáne aeroǵarysh ónerkásibi mınıstri Beıbit Atamqulov Astana qalasyndaǵy Ulttyq ǵarysh ortalyǵy jumysymen tanysty, dep habarlaıdy Qorǵanys jáne aeroǵarysh ónerkásibi mınıstrliginiń saıty.
Ortalyqty aralap kórgen Atamqulov ondaǵy mehanıkalyq óndiris ýchastigindegi baqylaý-ólsheý mashınalarymen, jalpaq metaldy óńdeý jáne qurastyrý, arnaıy ǵaryshtyq tehnıka konstrýktorlyq-tehnologııalyq bıýro jáne ǵarysh apparatyn qurastyrý-synaý kesheniniń qurylysy boıynsha júrgizilip jatqan jumystardy tekserdi.
Qazaqstan Respýblıkasynyń Qorǵanys jáne aeroǵarysh ónerkásibi mınıstri júrgizilip jatqan qurylystar, sondaı-aq Ulttyq ǵarysh ortalyǵyna irgeles aýmaqtardy abattandyrý boıynsha naqty tapsyrmalar berdi.
