Beıbit Atamqulov EQYU DIAQB basshysymen radıkalızmmen kúrestegi memleket rólin talqylady

VARShAVA. QazAqparat - Qazaqstannyń Syrtqy ister mınıstri Beıbit Atamqulov Polshaǵa jumys sapary aıasynda Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary jónindegi bıýrosynyń (EQYU DIAQB) dırektory Ingıberg Solrýn Gısladottırmen kezdesti, dep habarlaıdy QazAqparat.

QR Syrtqy ister mınıstrliginen málim etkendeı, kezdesý barysynda B. Atamqulov demokratııalyq ınstıtýttardy damytýdyń jáne Qazaqstandaǵy quqyq ústemdigin nyǵaıtýdyń údemeli sıpatyn atap ótti. Sondaı-aq qazirgi tańdaǵy DIAQB-men yntymaqtastyqtyń deńgeıin joǵary baǵalap, bolashaqta Bıýro qyzmetiniń túrli aspektileri boıynsha eń tyǵyz ózara is-qımyl jasaýǵa daıyn ekendigin aıtty.

Óz kezeginde, I.Gısladottır Uıymǵa qyzmet etýdiń úshinshi gýmanıtarlyq ólshemi sheńberinde kóptegen jyldar boıǵy syndarly yntymaqtastyq úshin Qazaqstanǵa alǵysyn bildirdi. «DIAQB EQYU-ǵa múshe memleketterdiń osy ólshemde olarǵa kómektesý úshin qurǵan quraly jáne ony belsendi túrde paıdalaný qajettigin» atap ótti. DIAQB dırektory Qazaqstan tarapy DIAQB-nyń «Musylmandarǵa qatysty tózimsizdikke qarsy kúres: muǵalimder úshin materıaldar» jáne «BAQ-taǵy musylmandar úshin: úlken teńgerim men áralýandylyq» taqyrybyndaǵy eki bıýdjettik emes jobasyna qoldaý bildirgeni úshin alǵys bildirdi.

Osy turǵyda B. Atamqulov Qazaqstannyń eldegi etnosaralyq jáne konfessııaaralyq kelisimdi saqtaý jáne nyǵaıtý jónindegi tájirıbesi, Qazaqstan halqy Assambleıasynyń qyzmeti jáne osy saladaǵy negizgi halyqaralyq bastamalar týraly QR Tuńǵysh Prezıdenti - Elbasy Nursultan Nazarbaevtyń Álemdik jáne dástúrli dinder lıderleriniń sezi týraly habardar etti. Kezdesý barysynda dinı radıkalızm ıdeıalarynyń taralýyna jol bermeý boıynsha memlekettiń keshendi kúsh-jigerine nazar aýdaryldy.

Qazaqstandaǵy aldaǵy prezıdenttik saılaý týraly aıta kele, taraptar Qazaqstandaǵy EQYU DIAQB jelisi boıynsha halyqaralyq baqylaýshylar qyzmetiniń praktıkalyq aspektilerin talqylady.

B. Atamqulov Qazaqstanǵa kelip, 22 uzaq merzimdi jáne 300 qysqa merzimdi baqylaýshy jumysyn úılestiretin mıssııa basshysy Ýrsýla Gatsekpen ashyq ózara is-qımyl jasaýǵa qazaqstandyq taraptyń daıyn ekendigin aıtty. Óz kezeginde I. Gısladottır Qazaqstannyń Syrtqy ister mınıstrligi men Ortalyq saılaý komıssııasymen yntymaqtastyqqa oń baǵa berdi jáne DIAQB elektoraldy protsesti ashyq jáne tıimdi baǵalaý qabiletine senim bildirdi.

Suhbattasýshylar aldaǵy elektoraldy kezeńde de, keıinnen de osyndaı yntymaqtastyqtyń naqty baǵyttary men aldaǵy kezdesýlerdiń josparlaryn belgileı otyryp, syndarly jáne múddeli ózara is-qımyldy jalǵastyrýǵa ekijaqty umtylysty rastady.