Beıbit Atamqulov aýylda turǵyn úı salýdyń jańa tetigin túsindirdi

NUR-SULTAN. QazAqparat – Bıyl aýyldarda jańa tetik arqyly 2,8 myńnan astam myńǵa jýyq turǵyn úıdiń qurylysy bastalady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha jumys berýshi aýylda óz qyzmetkerleri úshin turǵyn úı salsa, shyǵyndarynyń 50 paıyzyn sýbsıdııalaý tetigin engizý pysyqtalyp jatyr. Úıdiń qunynyń 50 paıyzy mólsherinde jáne jalpy aýdany 100 sharshy metrden, 1 sharshy metriniń quny 100 myń teńgeden aspaıtyn úıdi paıdalanýǵa bergennen keıin jumys berýshilerdiń shyǵyndary sýbsıdııalaýǵa jatady», - dedi mınıstr.

Onyń atap ótýinshe, baspana jumys berýshi men jumysker arasynda 5 jyldyq merzimge jasalǵan eńbek sharty bolǵan kezde usynylady.

«Jedel derekter boıynsha óńirlerde 2 855 turǵyn úıdiń qurylysyn bastaý josparlanyp otyr», - dedi Beıbit Atamqulov.